Hoxe é o primeiro día de exames para moitos rapaces de toda Galiza e tamén de toda España. Despois de moito estudar chégalles a hora de demostrar nun papel o que saben. Pero é de todo xusto? Todos os profes que corrixen exames de selectivo puntúan igual? Neses exames estaste xogando unha nota para entrar nunha carreira a cal te levará a túa profesión o resto da túa vida. Para que valen entón todos aqueles exames que fixeches durante todo o curso? Está a selectividade subestimando as notas dos profesores de bacharelato?
Pode que me faga todas estas preguntas polo medo ou mellor dito pánico que lle temos a esa proba. Pero non me parece de todo xusta, porque os nervios pódenche xogar unha mala pasada e mesmo nun exame non demostras todo o teu nivel ou a onde podes chegar. Pola contra os profesores durante o curso controlan a túa evolución, o teu esforzo e realízanche diversos exames que puntúan do mesmo xeito pero que o fin e o cabo de pouco valen.
Pero como está imposta haise que afrontar a ela, confiando nas túas posibilidades e nas túas capacidades e xa verás que como o esforzo de todo un curso terá unha moi boa recompensa. Moito ánimo para todos, xa veredes como en setembro de 2011 estades a comezar os vosos estudos universitarios. E se non é así, acabaredes por atopar unha solución igual ou máis atractiva. Recorda a selectividade é unha porta pero porque se peche aínda queda algunha aberta como os ciclos superiores e os ciclos medios.
Moito ánimo e moita sorte para todos!!!!!!
Estou dacordo contigo.Para que tantos exames?Para que tantos nervios?Para que tanto todo?Despois de dous anos estudando, esperando ter as túas mellores notas, dous anos nos que se aprenden tantísimas cousas e ao final, máis exames en tres días nos que non se demostra nin a metade do que un sabe, no que os nervios poden traizoarte e arrebarche o teu soño, ese soño que levas agardando dende que eras neno. Pode que logo se encontre outra opción para o teu futuro pero dende logo non vai ser o mesmo, aínda que ao final che acabe gustando tanto ou máis aínda. Aínda así é algo que todos temos que superar asique a toda esa xente que comezou hoxe cos exames, moita sorte!
ResponderEliminarA ver, pesimistas... A selectividade tamén ten moitas cousas boas. A primeira é que facéndoa, pérdeselle o medo. E xa me parece unha virtude que a xustifica suficientemente. Pero ademais, aprendes a afrontar retos importantes, a responsabilizarte un pouco máis de ti mesmo, a moverte en situacións novas, a ter en conta todos os límites para render dentro deles, a ir a calquera lado de maneira autónoma, a sentirte un pouco máis capaz, máis maduro e, aínda que pareza mentira, incluso máis libre. É certo que é un maratón de exames, e tamén que os correctores poden ser moi diferentes entre si (aínda que, ollo, hai uns criterios en común, e tamén posibilidade de solicitar revisións e segundas correccións), e que hai un límite de tempo, e poden aparecer os nervios... Pero esta tamén é parte necesaria e inevitable do xogo. Incluso da vida. Non está a vida chea de curvas e límites? Non sería realista querer facer algo totalmente plano, sen obstáculos. A vida non é iso: ao revés, é unha contínua selectividade empeñada precisamente en arrebatarche os teus soños. Probas e máis probas. Esta so é unha máis. Non é un obstáculo; é un reto.
ResponderEliminarGustaríame que os compañeiros cos que hoxe botei aló todo o día, vos comentasen as súas propias impresións unha vez finalizada a proba. Xógome a barba a que a súa opinión será máis positiva que negativa.
eu creo que a selectividade é unha experiencia e unha proba máis de todas as que temos por diante na nosa vida. Seguramente non sexa xusta porque é un exame no que se avalían tódolos coñecementos adquiridos durante varios anos e unha soa proba non fai xustiza xa que pode que saibas aquelo que che esixen ou non, e non quere dicir que por iso teñas menos nivel que as/os demais. Tendo en conta isto, tamén hai que pensar que dalgú xeito hai que facer para que haxa unha orde con respecto á maneira de acceder ás carreiras e polo tanto, igual que nas oposicións (como é o meu caso)ten que ser así. Na selectividade, inflúe moito a sorte que teñas de que pregunten aquelo que mellor sabes, pero outra parte importante é o traballo dos cursos pasados, e a dedicación á adquisición de coñecementos, o tempo de estudio e de esforzo xa non só para aprobar un exame, senón para formarse para o futuro. O traballo dos profesores de BAC está recoñecido, non creo que os "desprecen" xa que son as/os que vos ensinan durante o curso e ademais, conta tamén a nota media do BAC. Dito isto, penso que a xente que vaia no vindeiro ano ten que tomalo como un reto máis, algo que hai que hai pasar, como en moitos outros casos, para conseguir aquelo que queremos e que se non sae ben, hai outras alternativas tan válidas coma esta. Sorte a todas e todos!!!
ResponderEliminar